സ്വര്ണവില കുറയും എന്നത് ഇനി സ്വപ്നമായി അവശേഷിക്കുമോ?. ആഗോളവിപണിയില് സ്വര്ണവിലയില് വന് കുതിച്ചുചാട്ടമാണ് സംഭവിച്ചുകൊണ്ടിരിക്കുന്നത്. ക്രൂഡോയില് വില കുറയാന് തുടങ്ങിയതോടെ സ്വര്ണവില ഉയരുന്ന കാഴ്ചയാണ് ഇന്നലെയും വിപണിയില് കണ്ടത്. പശ്ചിമേഷ്യയിലെ യുദ്ധത്തിന് സമവായ ചര്ച്ചയ്ക്ക് വീണ്ടും സാധ്യതയുണ്ടായതോടെയാണ് വീണ്ടും സ്വര്ണവിലയില് വര്ധനവ് കണ്ടുതുടങ്ങിയത്. ഈമാസത്തെ ഏറ്റവും ഉയര്ന്ന പവന് വിലയാണ് ഇന്ന് രേഖപ്പെടുത്തിയത്.
യുഎസ് ഫെഡറല് റിസര്വില്നിന്നുളള സമീപകാല കണക്കുകള് ഉയര്ന്ന നിരക്കിനുള്ള സാധ്യത വര്ധിപ്പിക്കുന്നുണ്ട്. പണപ്പെരുപ്പം സ്ഥിരമായി തുടരുകയാണെങ്കില് കൂടുതല് വര്ധനവുണ്ടാകാനുളള സാധ്യതയുണ്ട്. ഇടക്കാലത്ത് സ്വര്ണവിലയില് കുറവുണ്ടായിരുന്നുവെങ്കിലും കാര്യങ്ങള് ഇപ്പോള് മാറി മറിയുകയാണ്. കേന്ദ്ര ബാങ്കുകളുടെ തുടര്ച്ചയായ വാങ്ങലുകള്, ആഗോള കടബാധ്യതയിലെ വര്ധനവ്, തുടര്ച്ചയായ ഭൗമരാഷ്ട്രീയ മാറ്റങ്ങള് എന്നിവ ദീര്ഘകാല അടിസ്ഥാനത്തില് സ്വര്ണത്തെ പിന്തുണയ്ക്കുന്നു.
കേരളത്തില് ഇന്ന് സ്വര്ണവിലയില് വര്ധനവ്. 22 കാരറ്റ് ഒരു പവന് സ്വര്ണത്തിന് 1,14,080 രൂപയാണ് ഇന്നത്തെ വില. ഒരു ഗ്രാമിന് 14,260 രൂപയും. കഴിഞ്ഞ ദിവസത്തെ വിലയുമായി തട്ടിച്ച് നോക്കുമ്പോള് ഗ്രാമിന് 20 രൂപയും പവന് 160 രൂപയും കൂടിയിട്ടുണ്ട്. 18 കാരറ്റ് സ്വര്ണത്തിന് പവന് 93,720 രൂപയും ഗ്രാമിന് 11,715 രൂപയുമാണ് ഇന്നത്തെ വില. ഗ്രാമിന് 15 രൂപയാണ് കൂടിയിരിക്കുന്നത്.
അതുപോലെതന്നെ 14 കാരറ്റ് സ്വര്ണത്തിന് ഗ്രാമിന് 9,125 രൂപയും പവന് 73,000 രൂപയും 9 കാരറ്റിന് ഗ്രാമിന് 5,885 രൂപയും പവന് 47,080 രൂപയുമാണ് ഇന്നത്തെ വില. ഇന്നലെ 1,13,920 രൂപയിലാണ് ഒടുവില് സ്വര്ണ വ്യാപാരം നടന്നിരുന്നത്. എന്നാല് വെളളിവില ഇന്നും മാറ്റമില്ലാതെ തുടരുകയാണ്. ഇന്നലെ ഒരു ഗ്രാമിന് 270 രൂപയും 10 ഗ്രാമിന് 2,700 രൂപയുമായിരുന്ന വെള്ളിവില ഇന്നും അതേ വിലയില്ത്തന്നെ തുടരുകയാണ്.
വരും കാലങ്ങളില് വെള്ളിവില സ്വര്ണത്തേക്കാള് ഉയരാന് സാധ്യതയുണ്ടെന്നാണ് വിപണി വിഗദഗ്ധരുടെ കണക്കുകൂട്ടല്. വെള്ളി ആഭരണങ്ങളായി ഉപയോഗിക്കുന്നതിനേക്കാള് കൂടുതല് വ്യാവസായിക ആവശ്യങ്ങള്ക്കാണ് ഉപയോഗിക്കുന്നത്. ഇലക്ട്രിക് വാഹനങ്ങള്, ഫോണുകള്, ലാപ്ടോപ്പ് എന്നിവയുടെയൊക്കെ നിര്മ്മാണത്തില് വെള്ളിയുടെ ഉപയോഗം വര്ധിച്ചുവരികയാണ്. 60 ശതമാനത്തോളം ഇന്ഡസ്ട്രിയലായി വെള്ളിയുടെ ഉപയോഗം കൂടിയിരിക്കുന്നതുകൊണ്ട് വെളളിക്ക് സ്വര്ണത്തേക്കാള് വില ഉയരാന് സാധ്യതയുണ്ട്.
Content Highlights : There has been a huge surge in the price of gold in the global market. As the price of crude oil has started to fall, the price of gold is rising.